Bolso artesanal elaborado con madeira de castiñeiro galego e coiro de curtición vexetal.

Traballamos con materiais naturais, cada bolso ten a súa propia personalidade: as vetas da madeira, os tons do coiro…Non hai dous iguais, e eso fainos ainda máis especiais.

Pensado para adaptarse a ti en cada ocasión, este bolso conta con tapas e cintas intercambiables, que se suxeitan á base de madeira con broches. Permitíndoche crear diferentes combinacións segundo o momento.

O seu tamaño (20x8x13cm) e a cinta regulable fano cómodo para o día a día, o suficientemente compacto para levar o esencial e o bastanta versátil para acompañarte sempre.

Creado para acompañarche durante anos, este bolso está feito con materias primas locais e procesos artesanais que respectan a contorna. A madeira e o coiro, lonxe de desgastarse, gañan carácter co tempo, adaptándose ao teu ritmo de vida.

Apostamos por unha moda consciente, onde cada peza é única, atemporal e versátil. Un bolso que non segue tendencias pasaxeiras, senón que se converte en parte da túa historia.