Bolso Boleira

Descrición

Boleira combina castiñeiro galego e coiro de curtición vexetal nun deseño de liñas suaves.

A súa tapa de forma redondeada está pensada para quen busca un bolso sereno, amable e con personalidade.

Cada peza elabórase a man, con ese coidado que só permite a artesanía feita sen présas.

Escolle os detalles para facelo teu: cor do coiro e a lonxitude da cinta.

Unha peza atemporal, que non segue modas porque non o precisa.

Medidas e detalles

• Bolso: 14 x 7 x 20 cm
• Cinta bandoleira: axustable entre 136–141 cm
• Cinta de ombreiro: axustable entre 65–70 cm
• Bordes pulidos e pintados a man
• Fondo cuberto de coiro para maior protección e silencio no movemento

Materiais sostibles

• Base: madeira de castiñeiro galego tratada con vernices á auga. Cada veta é diferente: o teu bolso sempre será único.
• Tapa e cinta: coiro vacún de curtición vexetal (subproduto da industria cárnica), curtido artesanalmente sen químicos agresivos. Conserva as marcas naturais da pel: engurras, sinais ou cicatrices que lle dan carácter. Co tempo, o coiro desenvolve unha pátina natural que o fai aínda máis fermoso e único.

Fabricación local

• Feito en Galicia, de forma ética e responsable.
• O coiro trabállase no noso obradoiro en Galicia, peza a peza, con tempo e agarimo.
• A madeira é elaborada por pequenas empresas familiares galegas.

Coidados con agarimo

• Garda o bolso na súa bolsa de algodón (feita con tecidos reutilizados), afastado da luz directa, a humidade ou temperaturas extremas.
• Se se molla, déixao secar ao aire libre, sen calor artificial nin luz directa do sol.
• Para limpar, abonda cun pano de algodón lixeiramente húmido.
• E se xorde algún problema, aquí estamos para axudarche a solucionalo.