Cintas Suidade

Descrición

As cintas Suidade están feitas para adaptarse a ti, ao teu ritmo e ao teu día. Porque non todos os días son iguais, nin todos os momentos piden o mesmo. Hoxe cruzada, mañá ao ombreiro… ou quizais esa cor que combina mellor co teu pantalón favorito.

Feita con agarimo e con coiro vacún de curtición vexetal, cada cinta está coidadosamente bruñida e pintada a man nos cantos, para un acabado limpo, elegante e duradeiro.

O sistema de broches permíteche cambiar a cinta en segundos e crear combinacións ao teu xeito: máis alegre, máis colorida, máis ti.

Medidas

• Cinta bandoleira: axustable entre 136 cm e 141 cm
• Cinta de ombreiro: axustable entre 65 cm e 70 cm

Materiais

• Coiro vacún de curtición vexetal, un subproduto da industria cárnica, traballado sen químicos agresivos.Cada cinta conserva as marcas naturais da pel: pequenas engurras, sinais ou cicatrices que lle dan carácter e fan que non haxa dúas iguais. Co tempo, o coiro desenvolve unha pátina natural que o fai máis bonito e único.

Fabricación local

Feito en España. Cada cinta está elaborada no noso obradoiro en Galicia, unha a unha, con tempo e coidado.

Coidados con agarimo

Para que a túa cinta dure moito tempo (e moitas aventuras):

• Garda a cinta na súa bolsa de algodón, afastada da luz directa, humidade ou calor excesivo.
• Se se molla, deixa que seque ao aire libre. Sen calor artificial, que o coiro non a leva ben.
• Para o mantemento habitual, chega cun pano moi pouco humedecido. Nada de produtos agresivos nin disolventes. Se aparece algún contratempo, xa sabes onde atoparnos.